منتديات الخطيب



انضم إلى المنتدى ، فالأمر سريع وسهل

منتديات الخطيب

منتديات الخطيب

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات الخطيب

منتديات الخطيب القانونية


    ايه اللي يمنع انها تعدل طلباتها من التطليق خلعا الى اعتبار الطلاق الرجعي الذي تم على يد مأذون شرعي طلاقا بائنا

    مدحت الخطيب
    مدحت الخطيب
    خدام المنتدى
    خدام المنتدى

    ذكر
    العمر : 55
    Emploi : محامى
    تاريخ التسجيل : 03/07/2007

    ايه اللي يمنع انها تعدل طلباتها من التطليق خلعا الى اعتبار الطلاق الرجعي الذي تم على يد مأذون شرعي طلاقا بائنا Empty ايه اللي يمنع انها تعدل طلباتها من التطليق خلعا الى اعتبار الطلاق الرجعي الذي تم على يد مأذون شرعي طلاقا بائنا

    مُساهمة من طرف مدحت الخطيب الثلاثاء سبتمبر 21, 2021 10:11 pm

    مختصر الكلام
    حاول تركز معايا جامد عشان اللي هقوله دلوقتي محدش قاله قبل كدة ولا حد جاب سيرة عنه من ايام سيدنا آدم لغاية اللحظة دي
    شوف يا سيدي
    مروة اتصلت باحمد جوزها وقالت له : خلي بالك المحامي بتاعي رفع عليك قضية خلع النهاردة
    احمد قفل معاها وطلع يجري على المأذون ومعاه اتنين شهود وراح مطلق مروة غيابي طلقة أولى رجعية
    احمد اتصل بمروة وقال لها : خلي بالك انا طلقتك غيابي عند المأذون .. بس على فكرة انا ممكن أرجعك بمزاجي في أي وقت خلال فترة العدة حتى لو انتي مكونتيش موافقة على الرجوع
    مروة سألت رجال قانون ورجال دين فقالولها ان قضية الخلع كدة خسرتها لأن مش هينفع المحكمة تصدر حكم خلع لوحدة مطلقة
    مروة معندهاش مانع من الطلاق الغيابي اللي حصل
    ومعندهاش مشكلة انها تخسر قضية الخلع طالما انها اطلقت فعلا
    بس مروة خايفة ان احمد يردها خلال فترة العدة ، وفي الحالة دي هتضطر ترجع وتعمل قضية خلع مرة تانية
    كويس كدة ؟؟؟
    انا قلت طب ايه اللي يمنع انها تعدل طلباتها من التطليق خلعا الى اعتبار الطلاق الرجعي الذي تم على يد مأذون شرعي طلاقا بائنا على أساس ان الطلاق الغيابي تم بعد ما مروة رفعت الخلع وتنازلت عن حقوقها وردت مقدم الصداق ؟؟ مش الطلاق الغيابي بالشكل دا يعتبر وكأنه تم مقابل التنازلات دي كلها ؟؟ والمقرر شرعا ان الطلاق اللي بيتم بمقابل تنازل بيكون طلاق بائن ؟؟؟؟
    بالاضافة ان القاعدة الشرعية بتقول لا ضرر ولا ضرار ، وطالما ان احمد طلق مروة غيابي عشان يحرمها من حقها في الطلاق البائن ، إذن فهو متعسف في استعمال الحق وغرضه الإضرار بيها ، وبالتالي من الواجب على القاضي رفع العدوان والضرر الواقع على مروة او المحتمل وقوعه بدرجة كبيرة جدا
    ..............
    أكيد الموضوع هيفتح نفس ذوي الاختصاص من رجال القانون والدين للادلاء برأيهم من الناحية القانونية والشرعية
    أتمنى الاستماع من اهل الاختصاص شريطة أن يكون الرأي مشفوعا ومؤيدا بالأدلة


    _________________
    سبحانك اللهم وبحمد
    نشهد ان لا اله الا انت
    نستغفرك ونتوب اليك

      الوقت/التاريخ الآن هو الثلاثاء أكتوبر 26, 2021 8:31 pm